فلمی اسٹائل میں ایک شخص کی ایسکلیٹر پر موٹرسائیکل بھگانے کی ویڈیو سوشل میڈیا پر وائرل ہوگئی۔
وائرل ویڈیو میں دیکھا جاسکتا ہے کہ نامعلوم شخص ایسکلیٹر پر بائیک بھگا کر لے جارہا ہے جبکہ اس کے پیچھے لوگ بھی بھاگ رہے ہیں۔
ویڈیو دیکھ کر یہ لگ رہا ہے جیسے وہ مبینہ طور پر موٹر سائیکل چُرا کر لے جارہا ہے۔
— Vicious Videos (@ViciousVideos) January 14, 2023
تاہم موٹرسائیکل سوار کی یہ ویڈیو سوشل میڈیا پر وائرل ہورہی ہے اور اسے اب تک لاکھوں ویویوز حاصل ہوچکے ہیں۔
اس سے قبل بھارت کے دارالحکومت نئی دہلی میں ایک ’اسپائیڈر مین‘ سے متاثر چور گھر کی بالکونی پر چڑھ کر ڈکیتی کی واردات کی تصویر سامنے آئی تھی۔
بھارتی میڈیا کی رپورٹ کے مطابق مذکورہ شخص سونے کی چین، رنگ اور موبائل فون چرا کر فرار ہوا تھا اور واردات اکتیس مئی اور یکم جون کی درمیانی شب پیش آئی تھی۔
میڈیا رپورٹس کے مطابق ملزم نے جب واردات کی اس وقت گھر میں اہلخانہ موجود تھے۔
