کراچی (ویب ڈیسک): لیاری گینگ وار کے سرغنہ عزیر بلوچ کو 25 ویں کیس میں بری کردیا گیا۔ کراچی کی انسداد دہشت گردی کی عدالت نے عزیر بلوچ کے خلاف قتل کے ایک اور مقدمےکا فیصلہ سنا دیا۔
عدالت نے عدم شواہدکی بناء پر عذیر بلوچ اور ذاکر عرف ڈاڈا کو بری کردیا۔ فیصلے میں کہا گیا ہےکہ پراسیکیوشن ملزمان کے خلاف الزامات ثابت کرنے میں ناکام رہا ہے۔
عزیر بلوچ کے وکیل عابد زمان ایڈووکیٹ کا کہنا تھا کہ عزیر بلوچ پر جھوٹے الزامات عائد کیےگئے،گواہان کے بیانات میں تضاد ہے۔
پولیس کے مطابق عزیر بلوچ اور ذاکر ڈاڈا پر مخالف گینگ کے عمران نامی شخص کو قتل کرنےکا الزام تھا، ملزمان نے 2012 میں فائرنگ کرکے عمران کو قتل کیا تھا، ملزمان کے خلاف کلاکوٹ تھانے میں مقدمہ درج ہے۔
خیال رہےکہ لیاری گینگ وارکے سرغنہ عزیر بلوچ کے خلاف 60 سے زائد مقدمات درج ہیں، عزیر بلوچ اب تک 25 مقدمات میں بری ہوچکا ہے۔
