کراچی (اسپورٹس ڈیسک): آئی سی سی ویمنز انڈر 19 ٹی ٹوئنٹی ورلڈ کپ کے سپر سکس مرحلے میں نیوزی لینڈ پاکستان کو شکست دے کر اگلے مرحلے میں پہنچ گیا۔
تفصیلات کے مطابق نیوزی لینڈ میں جاری آئی سی سی ویمنز انڈر 19 ٹی ٹوئنٹی ورلڈ کپ کے سپر سکس مرحلے میں نیوزی لینڈ کی ٹیم نےپاکستان کو 103 رنز کے بڑے مارجن سے شکست دے دی۔
اس شکست کے بعدپاکستان کی انڈر 19 ویمنز ٹیم کے سیمی فائنل پہنچنے کے امکانات کم ہو گئے ہیں۔
اس اہم میچ میں کیویز نے پہلے بیٹنگ کرتے ہوئے 7 وکٹوں کے نقصان پر 178 رنز کا پہاڑ جیسا مجموعہ بورڈ پر سجایا، نیوزی لینڈ کی جانب سے جارجیا پلیمر سب سے نمایاں بیٹسمین تھیں انہوں نے 53 رنز بنائے۔
گرین شرٹس کی جانب سے بولنگ میں انوشا ناصر نے 3 اور ماہ نور آفتاب نے دو وکٹیں حاصل کیں۔
ہدف کے تعاقب میںپاکستان کی ویمنز انڈر 19 کرکٹ ٹیم 20 اوورز میں سات وکٹوں کے نقصان پر صرف 75 رنز ہی بنا سکی۔
پاکستان کی جانب سے سب سے نمایاں بیٹسمین اریشہ نور تھی جنہوں نے 24 رنز بنائے۔
نیوزی لینڈ کی جانب سے نتاشہ کوڈرے نے 2 وکٹیں حاصل کیں، میچ کے بہترین کھلاڑی کا ایوارڈ 38 گیندوں پر 53 رنز کی اننگ کھیلنے والی جارجیا پلیمر کے نام رہا.
