کراچی کا میئر تو پیپلزپارٹی کا ہی آئے گا؛ سعید غنی

کراچی (ویب ڈیسک): صوبائی وزیر محنت و افرادی قوت سندھ سعید غنی نے کہا ہے کہ کراچی کا میئر تو پیپلزپارٹی کا ہی آئے گا۔پیپلز پارٹی کے رہنما سعید غنی نے کراچی میں پریس کانفرنس کرتے ہوئے کہا کہ دوبارہ گنتی میں جماعت اسلامی کی 2 نشستیں کم ہو گئیں، بلدیاتی نتائج سے مطمئن نہ ہونے والےمتعلقہ فورم سے رجوع کرسکتے ہیں۔

Karachi: President PPP Karachi Division and Minister Labour Sindh @SaeedGhani1 along with Senator @WaqarMehdiPPP1 and others addressing an Important Press Conference at Bilawal House Karachi . pic.twitter.com/o4FHBY6GFt

— Minister Labour & Human Resources Sindh (@MinisterSindh) February 5, 2023

انہوں نے کہا کہ جماعت اسلامی کے پاس جو فارم 11ہے اس میں کہیں نا کہیں مسئلہ ہے، 3یوسیز کا معاملہ الگ ہے وہاں فارم 11 کے مطابق جماعت اسلامی جیتی ہے۔

سعید غنی نے کہا کہ الیکشن کمیشن کہہ رہا ہے پہلے خالی نشستوں پر انتخاب کرائیں گے، الیکشن کمیشن کی یہ بات سمجھ سے بالاتر ہے۔

انکا کہنا ہے کہ الیکشن کمیشن میں امید وار نہیں بلکہ ایک ہی شخص 6یوسیز کیلئے گیا، پیپلزپارٹی کو بلدیاتی انتخابات میں کامیابی ووٹوں سے ملی، کسی یوسی کا اب تک سرکاری نتیجہ نہیں ملا۔

رہنما پیپلز پارٹی نے کہا کہ الیکشن کمیشن کہہ رہا ہے پہلے خالی نشستوں پر انتخاب کرائیں گے، الیکشن کمیشن کی یہ بات سمجھ سے بالاتر ہے۔

صوبائی وزیر کا کہنا ہے کہ 235 یوسیز پر الیکشن ہوچکے ہیں اس بنیاد پر میئر کے انتخاب کرائے جائیں، ہاؤس مکمل ہونے سے مراد مخصوص نشستوں کا مکمل ہونا ہوتا ہے۔ شہر کی ترقی و خوشحالی کیلئے سب کے ساتھ ملکر کام کرینگے۔

سعید غنی نے مزید کہا کہ پورے پاکستان میں پانچ فروری کو کشمیریوں سے اظہار یکجہتی کے طور ہر منایا جاتا ہے، تمام سیاسی جماعتیں اپنے سیاسی اختلافات سے بالاتر ہوکر کشمیریوں کے ساتھ کھڑے ہونے کا پیغام دیتے ہیں، وزیر خارجہ بلاول بھٹو عالمی سطح پر کشمیر کے مسئلے کو اجاگر کررہے ہیں۔