کراچی (ویب ڈیسک): بھارت میں دولہے نے مہمانوں کے لیے پورا جہاز ہی بک کروا لیا ۔شادی کرنے سے پہلے دولہا اور دلہن دونوں کی خواہش ہوتی ہے کہ ان کی شادی سب سے الگ اور منفر دہو۔ اپنی شادی کے دن کو یادگار بنانے کے لیے وہ کچھ ایسا لازمی کرتے ہیں جو ان کے لیے اور رشتہ داروں کے لیے یادگار بن جاتی ہے۔
عام طور پر دیکھاجاتا ہے کہ شادی کے مہمان اپنی سہولت کے مطابق شرکت کو یقینی بناتے ہیں یا لڑکے والوں کی جانب سے بس یا کوسٹر کروائی جاتی ہے لیکن بھارت سے ایک ایسا نوجوان دولہا سامنے آیا ہے ہے جس نے لڑکے اور لڑکی والوں کو شادی میں شرکت کے لیے پورا جہاز ہی بک کروا لیا جس میں بیٹھ کر وہ لوگ تقریب کے لیے روانہ ہوئے۔ مہمان بھی دولہا کے اس عمل سے کافی خوش اور حیران تھے۔
ایسا شاید دنیا میں پہلی بار ہی ہوا ہوگا کہ ایک جہاز باراتیوں سے بھر کر ایک ملک سے دوسرے ملک گیا۔ سوشل میڈیا پر وائرل ہونے والی ویڈیو میں دیکھا گیا کہ دلہا اپنی شادی میں شرکت کیلئے رشتے داروں کے ہمراہ جہاز میں سوار ہے۔
شادی کے طیارے میں بیٹھے مہمان خوش دکھائی دے رہے ہیں،سوشل میڈیا صارفین یہ کہتے دکھائی دے رہے ہیں اس شخص نے اپنی شادی پر بہت خرچہ کیا ہے۔
بھارتی میڈیا کے مطابق یہ شادی کی تقریب نیپال میں منعقد ہوئی جس میں شرکت کے لیے باراتی دلہے سمیت بھارت سے کھٹمنڈو پہنچے۔
