کراچی (اسپورٹس ڈیسک): پاکستان سپر لیگ کی ٹیمز پشاور زلمی اور لاہور قلندرز پر میچ میں سلو اوور ریٹ پر جرمانہ عائد ہوگیا.کراچی کے نیشنل بینک کرکٹ ارینا میں کھیلے گئے گزشتہ روز پاکستان سپر لیگ کے آٹھویں ایڈیشن میں کراچی کنگز کے خلاف میچ میں سلو اوور ریٹ پر پشاور زلمی کو جرمانہ عائد ہوا۔
پاکستان کرکٹ بورڈ نے اپنے بیان میں کہا کہ میچ ریفری علی نقوی نے پشاور زلمی پر مقررہ ٹائم فریم سے ایک اوور کم ہونے کی وجہ سے سلو اوور ریٹ پر جرمانہ کیا۔
اس کےعلاوہ لاہور قلندرز کے کھلاڑیوں پر بھی پی ایس ایل کے ابتدائی میچ میں ملتان سلطانز کے خلاف ٹائم فریم سے ایک اوور کم ہونے کی وجہ سےمیچ فیس کا 10 فیصد جرمانہ عائد کیا گیا۔
پشاور زلمی اور لاہور قلندرز کے کھلاڑیوں پر میچ فیس کا 10 فیصد جرمانہ کیا گیا ہے کیونکہ دونوں فاتح ٹیموں نے ایک اوور مقرر وقت ختم ہونے کے بعد کرایا تھا۔
یاد رہے کہ گزشتہ روز ا پی ایس ایل کے دوسرے میچ میں پشاور زلمی نے سنسی خیز مقابلے کے بعد کراچی کنگز کو 2 رنز سے شکست دی تھی جب کہ افتتاحی میچ میں لاہور قلندرز نے ملتان سلطان کو ایک رن سے شکست دی تھی۔
