برنی- آسٹریلیا (ویب ڈیسک): کینیڈا کی ایک خاتون نے پینی فارتھنگ چلا کر دو ریکارڈ بنا لیے۔آسٹریلوی ریاست تسمانیا کے شہر برنی میں لیزان ولموٹ نے اپنی وکٹورین اسٹائل بائی سائیکل پر خواتین کی کیٹگری میں پینی فارتھنگ پر سب سے زیادہ رفتار اور کم وقت میں ایک کلومیٹر کا فاصلہ طے کرنے ریکارڈ قائم کیے۔
لیزان وِلموٹ 52.75 سیکنڈ میں ایک کلومیٹر کا فاصلہ طے کیا اور ان کی ٹاپ اسپیڈ 41.71 کلو میٹر فی گھنٹہ تک پہنچی۔
اس سے قبل لیزان نے خواتین کی کیٹگری میں ایک گھنٹے میں پینی فارتھنگ پر طویل فاصلہ طے کرنے کا ریکارڈ بنایا تھا جس کو بعد میں برطانوی خاتون میلیسا اِزڈیل نے اپنے نام کر لیا تھا۔
