کولمبو: پاک بھارت ٹاکرا آج بھی ممکن نہیں، صبح بارش، سارے دن کی پیشنگوئی

کولمبو (اسپورٹس ڈیسک): اتوار کے روز ایشیا کپ ون ڈے میں ہونے والا بڑا مقابلہ پاک بھارت ٹاکرا بارش کی وجہ سے روک دیا گیا تھا جو آج وہیں سے شروع کیا جائے گا۔لیکن کولمبو میں کرکٹ کے لیے حالات اب بھی سازگار نہیں، اتوار کی رات سے مسلسل بوندا باندی کا سلسلہ جاری ہے اور پیر کو صبح سویرے شہر میں موسلا دھار بارش ہوئی ہے۔کولمبو میں بادل چھائے ہوئے ہیں اور تیز ہوائیں چل رہی ہیں، اس کے علاوہ آج سارا دن وقفے وقفے سے بارش کی پیشگوئی کی گئی ہے۔

Colombo, not the best start ☔️. Early morning rain making the reserve day a total washout. 📷 India's got a tough stretch with 3 consecutive matches on the 10th, 11th, and tomorrow, the 12th against Sri Lanka. 📷📷 Questioning the choice of venue for this tournament. 📷… pic.twitter.com/o1SwGHSozU

— Anil Tiwari (@Anil_Kumar_ti) September 11, 2023

سہ پہر کے اوقات میں زیادہ تیز بارش کے امکانات ہیں جس وجہ سے پاک بھارت میچ آج بھی متاثر ہونے کا امکان ہے۔

اگر ہم آج کولمبو کا فورکاسٹ دیکھیں تو سارا دن 80 سے 90 فیصد تک بارش کا امکان ہے۔

واضح رہے کہ گزشتہ روز بارش کی وجہ سے صرف 24.1 اوورز کا کھیل ممکن ہو سکا تھا، ریزرو ڈے پر آج وہیں سے کھیل شروع ہو گا جہاں کل ختم ہوا تھا۔

بھارت نے دو وکٹوں کے نقصان پر 147 رنز بنالیے تھے جب کہ کریز پر کے ایل راہول اور ویرات کوہلی موجود تھے۔