کراچی (شوبز ڈیسک): کراچی کی ڈاکٹر اور ماڈل ’’کپوتاکھی چنچلا‘‘ نے مس پاکستان یونیورس 2023 کا تاج حاصل کر لیا، ٹائٹل کا اعلان لاہور میں منعقدہ تقریب میں کیا گیا۔مس پاکستان یونیورس کا ٹائٹل حاصل کرنے والی ماڈل کپوتاکھی چنچلا، کراچی کی لیاقت نیشنل اسپتال سے بطور پروفیشنل ڈاکٹر منسلک ہیں اور انہوں نے اسی ادارے سے ایم بی بی ایس کی ڈگری حاصل کی تھی۔روشنیوں کے شہر سے تعلق رکھنے والی ڈاکٹر کپوتاکھی چنچلا کا کہنا تھا کہ انہوں نے کراچی کے ایک مسلم گھرانے میں جنم لیا اور وہیں پرورش پائی ہے، والدہ کی وفات کے بعد والد کے ساتھ اسی شہر میں رہی، یہیں تعلیم مکمل کی اور اسی شہر میں اپنی پروفیشنل زندگی کی شروعات کی۔
Dr. Kapotaqkhy Chanchala Happens to be crowned as Miss Pakistan Universe 2023.
Read More: https://t.co/7VIPNHgNQ2#MissUniversePakistan2023 #Model #Lahore #Pakistan #Rockedge #Rockedgeurdu #Rockedgenews #NewsUpdates pic.twitter.com/QMKOmvRmxh
— Rockedge (@Rockedge2022) June 11, 2023
انہوں نے بتایا کہ بچپن سے ہی شوبز اور انٹرٹینمنٹ کی دنیا انہیں پرکشش لگتی تھی اور وہ کسی طرح اس دنیا میں داخل ہو جانے کا خواب دیکھتی تھیں، پھر انہیں اس پلیٹ فارم ذریعے انٹرٹینمنٹ کی دنیا میں داخل ہونے کا راستہ مل گیا۔
مس پاکستان یونیورس ڈاکٹر کپوتاکھی چنچلا کا کہنا تھا کہ انہوں نے 2022 میں مس پاکستان یونیورس کا تاج سر پر سجانے والی ڈاکٹر شفق اختر سے متاثر ہوکر اس مقابلہ حسن میں حصہ لینے کا فیصلہ کیا۔
کپوتاکھی چنچلا کا کہنا تھا کہ مس پاکستان یونیورس کا ٹائٹل جیتنے کے باوجود بھی وہ مستقبل میں نیوروسرجن بننا چاہتی ہیں۔
