کوئٹه: بلوچستان کے مختلف علاقوں میں جمعرات 19 جنوری کو علی الصبح زلزلے کے شدید جھٹکے محسوس کیے گئے۔ زلزلہ پیما مرکز کے مطابق زلزلے کے جھٹکے ضلع خاران میں محسوس کیے گئے، جس کی ریکٹر اسکیل پر شدت 3 اعشاریہ 7 شدت ریکارڈ کی گئی ہے۔
زلزلہ پیما مرکز کی رپورٹ میں بتایا گیا ہے کہ زلزلہ 6 بج کر 19 منٹ پر محسوس کیا گیا جس کی گہرائی 20 کلو میٹر تھی جب کہ زلزلے کا مرکز خاران سے 28 کلومیٹر جنوب میں تھا۔
ذرائع کے مطابق زلزلے سے کسی جانی و مالی نقصان کی اطلاع موصول نہیں ہوئی۔ زلزلے کے جھٹکوں کے خوف سے لوگ انتہائی سرد موسم میں گھروں سے باہر نکلے آئے۔
