گھوٹکی (نجات نیوز): ڈپٹی کمشنر گھوٹکی کی ہدایت پر اسسٹنٹ کمشنر گھوٹکی نے کارروائی کرتے ہوئے بھٹائی کاٹن فیکٹری کے گودام پر چھاپہ مارا اور گندم کے 7 ہزار تھیلے قبضے میں لے لیے۔
محکمہ خوراک کے حوالے سے خبر کے مطابق ڈپٹی کمشنر گھوٹکی محمد عثمان عبداللہ کی ہدایات پر گندم کی ذخیرہ اندوزی کے خلاف کارروائیوں کا سلسلہ جاری ہے۔
اس سلسلے میں اسسٹنٹ کمشنر گھوٹکی امتیاز محسن نے بھٹائی کاٹن فیکٹری کے گودام پر چھاپہ مار کر اوم لال کی جانب سےذخیرہ شدہ گندم کی 7 ہزار بوریاں قبضے میں لے لیں۔
جنہیں محکمہ خوراک کے حوالے کر دیا گیا جبکہ مذکورہ گودام کو سیل کر دیا گیا ہے۔
