کراچی (ویب ڈیسک): گزشتہ روز کراچی میں شدید دھند دیکھی گئی جس کی متعدد ویڈیوز بھی سوشل میڈیا پر وائرل ہوئیں لیکن شہر میں اس دھند کی وجہ کیا تھی؟ ماہرموسمیات جواد میمن نے اس حوالے سے ایک نجی ٹی وی چینل سےگفتگو کی جس میں انہوں نے بتایا کہ کراچی میں ایک، دو دن سے ہوا میں نمی کا تناسب زیادہ ہے، 95 سے 96 فیصد تک ہوا میں نمی کا تناسب ریکارڈ کیا گیا جب کہ شہر میں چلنے والی ہوا کی رفتار بھی 3 سے 4 کلو میٹر تھی۔
KARACHI: Widespread Layer of Dense Fog Today Morning at Clifton / Seaview Regions Dropping Visibility to just 1-2km
Credits: Yawar Sohail
Weather Updates PK / Pakistan Doppler (Former Karachi Doppler) . pic.twitter.com/vEUtiQYKib
— Weather Updates PK (@WeatherWupk) February 15, 2023
جواد میمن کے مطابق جب ہوا میں نمی کا تناسب زیادہ ہو اور ہوا کی رفتار کم ہو تو دھند بن جاتی ہے جس سے حدنگاہ بھی متاثر ہوتی ہے۔
انہوں نے بتایا کہ یہ عمل اس لیے بھی ہوتا ہے کیوں کہ موسم تبدیل ہو رہا ہے اور سردی سے اب گرمیوں کا موسم شروع ہورہا ہے جس کے باعث بھی دھند بنتی ہے۔
جواد میمن کا کہنا تھا کہ آنے والے چند دن میں دھند کم ہوجائے گی کیونکہ درجہ حرارت میں اضافہ اور ہوا میں نمی کا تناسب کم ہوجائے گا البتہ آئندہ دنوں میں ہوا میں نمی کا تناسب 70 سے 80 فیصد تک ریکارڈ کیے جانے کا امکان ہے۔
