چھتیس گڑھ (ویب ڈیسک): بھارت میں ولیمے کے روز دُلہا نے مبینہ طور پر دُلہن کو قتل کرکے خودکشی کرلی۔بھارتی میڈیا کےمطابق واقعہ ریاست چھتیس گڑھ میں پیش آیا جہاں ایک نوبیاہتا جوڑا شادی کے بعد خوشی خوشی گھر روانہ ہوا لیکن شادی کے تیسرے روز وہ اپنے کمرے میں مردہ پایا گیا اور ان کے جسموں پر چھریوں کے وار کے نشانات تھے۔
Newly-Married Couple Found Dead Before Wedding Reception In Chhattisgarh https://t.co/gDIMY4X9K8 pic.twitter.com/m7fOHmx9Wr
— NDTV News feed (@ndtvfeed) February 22, 2023
پولیس کا کہنا ہےکہ خدشہ ہے جوڑے کے درمیان کمرے میں جھگڑا ہوا جس دوران شوہر نے پہلے اپنی نئی نویلی دُلہن کو چھری کے وارکرکے قتل کیا اور پھر خود بھی اپنی زندگی کا خاتمہ کرلیا۔
پولیس کے مطابق 22 سالہ کہکشاں بانو اور24 سالہ اسلم کی شادی اتوار کو ہوئی تھی جس کے بعد منگل کے روز ولیمے کی تیاریاں جاری تھیں لیکن گھر والوں کی جانب سے مسلسل دروازہ کھٹکھٹانے پربھی اندر سے کسی نے دروازہ نہ کھولا جس پر اہلخانہ نے کھڑکی توڑی تو دونوں کی لاشیں خون میں لت پت تھیں۔
پولیس کاکہنا ہےکہ دونوں کی لاشوں کو پوسٹ مارٹم کے لیے اسپتال منتقل کردیا گیا جب کہ کمرے سے ایک چھری بھی برآمد ہوئی ہے۔
