لندن (ویب ڈیسک): لندن کے علاقے ایلنگ میں مسجد ویسٹ لندن اسلامک سینٹر سے نکلنے والے معمر شخص پر پیٹرول چھڑک کر آگ لگانے کے معاملے میں پیشرفت، پولیس نے مشتبہ حملہ آور کی تصاویر جاری کر دی۔
برطانوی میڈیا کے مطابق حملے میں ملوث شخص بھی ویسٹ لندن اسلامک سینٹر سے ہی نکلا تھا، واقعے کے بعد پولیس نے علاقے میں گشت بڑھا دیا تھا۔
میڈیا رپورٹس کے مطابق واقعہ 27 فروری کو پیش آیا، 82 سال کے شخص کے گردن اور بازو پر زخم آئے تھے، ویسٹ لندن اسلامک سینٹر تفتیش میں پولیس کی مدد کر رہا ہے۔
