کراچی (ویب ڈیسک): غیر ملکی خبر رساں ایجنسی ’رائٹرز‘ کی رپورٹ کے مطابق نشریاتی ادارے ٹیلی گراف نے ذرائع کا حوالہ دیتے ہوئے کہا ہے کہ برطانیا کی طرف سے ایران کے پاسداران انقلاب کو دہشت گرد گروپ قرار دیا جانے کا امکان ہے جنہوں نے حکومت مخالف مظاہروں میں شریک برطانیا سے تعلق رکھنے والے 7 افراد کو گرفتار کیا تھا۔
رپورٹ کے مطابق برطانیا جلد ہی پاسدارانِ انقلاب پر دہشت گردی کا اعلان کرے گا جس کی معاونت برطانوی سیکیورٹی وزیر اور وزیر داخلہ نے کی ہے۔ ایران کے پاسدارانِ انقلاب کو دہشت گرد قرار دینے کا مطلب یہ ہوگا ہے کہ اس گروپ سے تعلق رکھنا، اس کی میٹنگ میں شرکت کرنا اور عوام میں اس کا لوگو لے جانا جرم ہوگا۔
تاہم برطانیا کی وزارت داخلہ نے اس معاملے پر فوری طور پر کوئی جواب نہیں دیا۔
خیال رہے کہ گزشتہ ہفتے ایران کے پاسدارانِ انقلاب نے حکومت مخالف مظاہروں میں شرکت کرنے والے 7 افراد کو گرفتار کیا تھا جن کا تعلق برطانیا سے ہے۔
واضح رہے کہ ایران کے اسلامی لباس کوڈ کی مبینہ خلاف ورزی کرنے کے جرم میں اخلاقی پولیس نے 22 سالہ مہسا امینی کو گرفتار کیا تھا اور بعدازاں وہ ہسپتال میں جاں بحق ہوگئیں تھیں۔
نوجوان خاتون کی ہلاکت کے خلاف ایران بھر میں عوامی احتجاج شروع ہوگئے جہاں مظاہرین اور پاسدارانِ انقلاب کے درمیان سخت کشیدگی اور جھگڑے بھی ہوئے۔
