مہمند (ویب ڈیسک): خیبرپختونخوا کے ضلع مہمند میں گزشتہ دنوں حادثے کا شکارہونے والے ہیلی کاپٹرکا سامان چوری ہوگیا۔پولیس کے مطابق ہیلی کاپٹر کا سامان چوری کرنے والے 2 ملزمان کو گرفتار کرلیا گیا، ملزمان نے جائے حادثہ سے ہیلی کاپٹرکے ملبے سے سامان چوری کیا تھا۔پولیس نے بتایاکہ گرفتار ملزمان کی شناخت یاسین اور باسط کے ناموں سے ہوئی۔
پولیس کا کہنا ہے کہ پولیس اور سکیورٹی فورسز کی بروقت کارروائی سے ملزمان گرفتارہوئے، ملزمان کا تعلق دریاب کورونہ میچنئی سے ہے۔
خیال رہے کہ گزشتہ دنوں جمعہ کو باجوڑ میں سیلاب سے متاثرہ علاقوں میں امدادی کارروائیوں کے لیے جانے والا خیبرپختونخوا حکومت کا ہیلی کاپٹر گر کر تباہ ہو گیا تھا جس کے نتیجے میں 2 پائلٹس سمیت عملے کے 5 افراد شہید ہوئے تھے ۔
