کراچی (ٹیک ڈیسک): پاکستان دنیا بھر میں سوشل میڈیا ایپلی کیشن ڈاؤن لوڈ کرنے والا سب سے تیز ترین ملک بن گیا، سال 2021 کے مقابلے سال 2022 میں پاکستانی صارفین کی جانب سے سوشل میڈیا ایپلی کیشن ڈاؤن لوڈ کرنے کی شرح میں 35.4 فیصد اضافہ دیکھنے میں آیا۔
نجی مارکیٹ انٹیلی جنس پلیٹ فارم ’ڈیٹا دربار‘ کی رپورٹ کے مطابق پاکستان میں ایپلی کیشن ڈاؤن لوڈ کرنے کی شرح سال 2021 میں 28.6 فیصد تھی جو گزشتہ سال میں اضافہ ہوکر 35.6 فیصد ہوگئی۔
We also looked at the most downloaded apps in major categories, such as finance, audio, and video streaming, along with Pakistan's mobile evolution over the years. Everything was compiled in our State of Apps report that you can access here:https://t.co/vJsyFuTVWP
— Data Darbar (@datadarbar_io) February 1, 2023
یہ شرح نمو چین سے 3 گنا زیادہ ہے جو فہرست میں دوسرے نمبر پر ہے۔چین کے بعد بھارت، میکسیکو اور انڈونیشیا فہرست میں شامل ہیں جن کی شرح 10 فیصد سے کم ہے۔
Our State of Apps | Pakistan 2022 report is out and here are the main takeaways:
WhatsApp Business was the most downloaded app in Pakistan in 2022, while Snapchat was a surprise entry on the list. Touted as the underdog, Snapchat has outpaced TikTok for the last 2 years. pic.twitter.com/aU124qZWCt
— Data Darbar (@datadarbar_io) February 1, 2023
2021 میں پاکستان کی درجہ بندی 3 درجے نیچے تھی۔
رپورٹ کے مطابق 3 ارب 50 کروڑ ڈاؤن لوڈ کے ساتھ پاکستان انڈونیشیا کے علاوہ تمام ابھرتی ہوئی مارکیٹ میں سب سے آگے ہے۔
رپورٹ کے مطابق سنہ 2022 میں پاکستانی صارفین نے 161 ارب گھنٹے موبائل ایپلی کیشن استعمال کیا جس سے دنیا بھر میں سب سے زیادہ استعمال کرنے والے ممالک کی فہرست میں پاکستان چھٹا ملک بن گیا ہے
مقامی پبلشر کی جانب سے بہترین ایپلی کپشن کے لحاظ سے پاکستان انڈونیشیا کے بعد دوسرے نمبر پر تھا تاہم ٹریکشن اور استعمال کے لحاظ سے مقامی سطح پر تیار کردہ بہت کم ایپلی کیشن سرِفہرست ہیں۔
رپورٹ کے مطابق واٹس ایپ بزنس سب سے زیادہ ڈاؤن لوڈ کرنی والی ایپلی کیشن ہے، اس کے بعد دوسرے نمبر پر اسنیپ چیٹ، واٹس ایپ میسنجر، کیپ کٹ اور ٹک ٹاک ہے۔
مقامی سطح پر بنائی گئی ایپلی کیشن میں ایزی پیسہ سب سے زیادہ ڈاؤن لوڈ کیا گیا، اس کے بعد دوسرے نمبر پر جیز، جیز کیش، زونگ اور یونیورسل ریموٹ ٹی وی ہے۔
2022 میں جن ایپلی کیشن کو سب سے زیادہ ڈاؤن لوڈ کیاگیا ان میں مندرجہ ذیل کیٹیگری ہے۔
سب سے زیادہ ڈاؤن لوڈ کی جانے والی ایپلی کیشن:
شاپنگ – علی بابا – دراز – او ایل ایکس – سیویئر – علی ایکسپریس
شارٹ ویڈیو ایپلی کیشن (ٹک ٹاک کے علاوہ):
1 .اسنیک ویڈیو
2. بیگو لایئو
3. لیکی
4. فن ایکس ڈی
5. چامیٹ
آڈیو ایپلی کیشن:
اسپاٹی فائی – اسٹار میکر – بجاؤ – ساؤنڈ کلاؤنڈ – یوٹیوب میوزک
فنانس:
ایزی پیسہ – جیزکیش – بروقت – زندگی – پی کے لون
ویڈیو ایپلی کیشن:
تماشا – نیٹ فلکس – اے آر وائی زیپ – ٹیم میڈ
