پشاور (ہیلتھ ڈیسک): پشاور میں پولیو ڈیوٹی پر تعینات پولیس اہلکار فائرنگ سے جاں بحق ہوگیا۔
پولیس کے مطابق پشاور کے علاقے سلیمان خیل میں نامعلوم افراد نے پولیس اہلکار شاہ نواز کو فائرنگ کا نشانہ بنایا جس سے وہ موقع پر ہی جاں بحق ہوگیا۔
پولیس نے بتایا کہ مقتول انسداد پولیو مہم کی سکیورٹی پر مامور تھا اور وہ گھر سے ڈیوٹی کیلئے جارہا تھا، نامعلوم شرپسند فائرنگ کے بعد فرار ہوگئے جن کی تلاش کے لیے چھاپے مارے جارہے ہیں۔
