واشنگٹن: ایک قطبی ریچھ نے امریکی ریاست الاسکا کے دور دراز علاقے میں انسانوں پر ایک غیر معمولی حملے میں ایک عورت اور ایک لڑکے کو ہلاک کر دیا۔ پولیس کے مطابق بعد میں ریچھ کو الاسکا کے انتہائی مغربی ساحل پر ویلز کی ایک چھوٹی سی کمیونٹی کے رہائشی نے گولی مار کر ہلاک کر دیا۔
پولیس نے ایک بیان میں کہا ‘ابتدائی رپورٹوں سے پتہ چلتا ہے کہ ایک قطبی ریچھ کمیونٹی میں داخل ہوا تھا اور اس نے متعدد رہائشیوں کا پیچھا کیا تھا۔’
پولیس نے کہا، ‘ریچھ نے ایک بالغ خاتون اور نابالغ لڑکے پر جان لیوا حملہ کیا ، اسے ایک مقامی باشندے نے گولی مار کر ہلاک کر دیا، ریاستی دستے اور مچھلی اور کھیل کے محکمے کے حکام قصبے تک پہنچنے کی کوشش کر رہے ہیں لیکن موسمی حالات اجازت نہیں دے رہے ۔’
اے ایف پی کی خبر کے مطابق متاثرین کی شناخت ظاہر نہیں کی گئی ۔ قطبی ریچھ کے حملے انتہائی نایاب ہیں، مقامی میڈیا رپورٹس کے مطابق الاسکا میں قطبی ریچھ نے آخری مہلک حملہ 1990 میں کیا تھا۔ کینیڈین این جی او پولر بیئرز انٹرنیشنل کے مطابق 1870 سے 2014 کے درمیان دنیا بھر میں صرف 20 افراد قطبی ریچھ کے ہاتھوں ہلاک ہوئے ہیں۔
