کراچی (ویب ڈیسک): امریکا میں گزشتہ روز آئے بگولے کے طوفان نے تباہی مچا دی درخت جڑوں سے اکھڑ گئے، گھر منہدم ہوگئے کم از کم 6 افراد بھی ہلاک ہوئے۔ غیر ملکی میڈیا رپورٹ کے مطابق امریکی ریاست الاباما کے شہر سیلما میں بگولے کے طاقتور طوفان نے شدید تباہی مچا دی۔ یہ طوفان اتنا شدید تھا جہاں سے گزرا تباہی کے ایک داستان رقم کرتا گیا۔ درخت جڑوں سے اکھڑے تو گھروں کی چھتیں اڑ گئیں۔ درجنوں مکانات طوفان کی تاب نہ لاتے ہوئے پاش پاش ہوگئے جب کہ اس طوفان کی زد میں آکر کم از کم 6 افراد بھی ہلاک ہونے کی اطلاعات ہیں۔
طوفان سے بدترین تباہی کا شکار ہونے والا شہر سلیما شہری حقوق کی تحریک کے حوالے سے ایک تاریخی شہر ہے جس کی آبادی 18 ہزار کے لگ بھگ ہے اور یہ ریاست الاباما کے درالحکومت منٹگمری سے 80 کلومیٹر مغرب کی جانب واقع ہے۔
بگولے کا طوفان گزرنے کے بعد سوشل میڈیا پر اس سے ہونے والی تباہی کی ویڈیوز گردش کر رہی ہیں جس میں طوفان کے بعد شہر اجڑنے کی ساری کہانی نظر آ رہی ہے۔
We just got to Selma..this is damage on Franklin Street/Griffin Avenue #alwx #WBRC pic.twitter.com/43UV7efcQi
— Josh Gauntt (@joshg_TV) January 12, 2023
شہر میں جابجا درخت جڑوں سے اکھڑ گئے تھے، بجلی کے کھمبے سڑکوں پر پڑے تھے۔ سڑکوں کو بڑی دراڑیں پڑی ہوئی ہیں۔ ایک عمارت میں آگ بھی لگی دکھائی دے رہی ہے جس کے شعلے اور دھواں آسمان کی جانب بلند ہو رہا ہے۔ تاہم یہ معلوم نہ ہوسکا کہ عمارت میں آگ طوفان کے باعث لگی یا کوئی اور وجہ تھی۔
Tornado Damages Selma, AL#tornado #alwx #selma
Long Version:https://t.co/BQhEN0fw1y pic.twitter.com/GfIttX5BHM
— Fish News (@FishNewsChannel) January 12, 2023
حکام نے بتایا کہ وسطی الاباما میں طوفان کی وجہ سے 6 افراد ہلاک ہو ئے ہیں۔ اوٹاگا کاؤنٹی، الاباما میں ایمرجنسی مینجمنٹ ڈائریکٹر ایرنی بیگیٹ نے ایسوسی ایٹڈ پریس کو بتایا کہ وہ اس بات کی تصدیق کر سکتے ہیں کہ اولڈ کنگسٹن کمیونٹی کے متعدد گھروں میں چھ ہلاکتیں ہوئی ہیں اور 12 افراد شدید زخمی ہوئے ہیں جنہیں اسپتال منتقل کردیا گیا ہے۔
ایرنی بیگیٹ نے مزید بتایا کہ حکام کا اندازہ ہے کہ طوفان سے 40 سے 50 گھروں کو نقصان پہنچا یا وہ تباہ ہو گئے ہیں۔ طوفان سے موبائل اور روایتی گھر دونوں کو نقصان پہنچا ہے۔
