اگسٹا: امریکا کے ایک 13 سالہ لڑکے نے کم وقت میں لیگو سے دنیا کا نقشہ بنانے کا گینیز ورلڈ ریکارڈ بنا لیا۔ امریکی ریاست مین سے تعلق رکھنے والے کُوپر رائٹ نے 9 گھنٹے 14 منٹ اور 49 سیکنڈوں میں 11 ہزار 695 لیگو کے ٹکڑے جوڑ کر نقشہ بنایا۔
Cooper Wright completed the 11,695 piece map in under 10 hours last summer, giving him the record of 'Fastest Time' in the Guinness Book of World Records. https://t.co/lG9RDVI2Ab
— THV11 (@THV11) January 17, 2023
کُوپر رائٹ کا کہنا تھا کہ وہ 3 یا 4 سال کی عمر سے لیگو برکس سےکھیل رہے ہیں۔
ان کا کہنا تھا کہ انہوں نے یہ طے کیا تھا کہ وہ گینیز ورلڈ ریکارڈ کے لیے 12 گھنٹے سے کم وقت میں لیگو ورلڈ میپ بنانے کی کوشش کریں گے۔
انہوں نے مزید کہا کہ یہ کوشش کرتے وقت وہ کافی نروس تھے۔ ان کا خیال تھا وہ یہ ریکارڈ نہیں بنا پائیں گے اس ہی لیے وہ گھڑی کی جانب بھی نہیں دیکھ رہے تھے۔
بالآخر کُوپر نے یہ کارنامہ 9 گھنٹے 14 منٹ اور 49 سیکنڈوں میں انجام دیا جو ورلڈ ریکارڈ نام کرنے کےلیے کافی تھا۔
