کراچی (ویب ڈیسک): سندھ یونائیٹڈ پارٹی کی جانب سے سندھ کے حقوق کےلیے پارٹی کے مرکزی صدر سید زین شاہ کی قیادت میں سندھ مارچ کے نام سےسکھر سے کراچی تک شروع کیا گیا پیادل مارچ کے این شاہ پہنچ گیا . جگہ جگہ پر مختلف جماعتوں کے رہنما اورسیاسی و سماجی اور مذہبی شخصیات کا سندھ مارچ کا استقبال ،پھول نچھاور .
کے این شاہ پہنچنے پر سندھ مارچ قافلے پرشہریوں کا دھرتی دھنی تحریک کے سربراہ قادرچانڈیو کی سربراہی میں شاندار استقبال . عوام نے قافلے کے قائد سید زین شاہ کے ہاتھوں کو چوم لیا .
اس موقع پر سید زین شاہ نے مارچ میںچلتے چلتے کے این شاہ کی حالیہ برساتون اور سیلاب کے دوران تباہی سے متعلق گفتگو کرتے ہوئے بتایا کہ کے این شاہ کو حکمرانوں نے عالمی امداد کی خاطر جان بوجھ کرڈبویا. ان کاکہنا تھا کہ 75 سالوں سے حکمرانوں کی بے راہ روی اور کرپشن نے ملک کو دیوالیہ بنادیا ہے ، مگر حکمران اور اسٹیٹسکو اب بھی ہوش کے ناخن لینے کے لیے تیار نہیں .
انہوں نے مزید کہا کہ ملک کو عالمی امداد مل گئی لیکن اس کی قیمت سندھ بالخصوص خیرپور میرس اور خیرپور ناتھن شاہ (کے این شاہ) کے عوام ادا کر رہے ہیں . انہوں نے سیلاب کے دوران کے این شاہ کے اپنے دورے سے متعلق بات کرتے ہوئےپیپلز پارٹی اورحکمرانوں کی پیدا کی گئی صورتحال بھی کھول کر رکھ دی .
اس موقع پر سیدزین شاہ نے کہا کہ سندھ مارچ کا مقصد سندھ میں طاری سیاسی سکتہ کاخاتمہ کرکےعوام کے دلوں کو ہلانا ہے، ہم سندھ کے آئینی حقوق کا مطالبہ کرتے ہیںاور استحصالی طبقات کا خاتمہ چاہتے ہیں.
انہوں نے مزید کہا کہ ہم کرپٹ اور سندھ دشمن حکمرانوں سے آزادی کا نعرہ لگاتے ہیں۔
Sindh march aims to stir the hearts of the masses,
Demanding rights and ending exploitative classes,
We Chant for freedom from the corrupt and the enemies of sindh#SindhMarch #SindhUnitedMarch
— Sayed Zain Shah (@Sayed_ZainShah) February 22, 2023
بیماری اور پاؤں میںچھالے پڑجانے کے باوجود مسلسل پیادل چلنےپر سید زین شاہ نےعوام کے دلوں کو موہ لیا . لوگ اپنی فیملیز اور بچوں کے ساتھ آگے بڑھ کر ان سے والہانہ لگاؤ کا اظہاکر رہے ہیں.
