نوشہرو فیروز (ویب ڈیسک): مورو کے قریب کار اور بس میں تصادم کے نتیجے میں خواتین سمیت 7 افراد جاں بحق اور 20 افراد زخمی ہو گئے۔پولیس کے مطابق لاہور سے کراچی جانے والی بس اور کار میں تصادم کا واقعہ مورو کے قریب دو میل کے مقام پر پیش آیا، حادثے میں 7 افراد جاں بحق اور 20 سے زائد زخمی ہوئے۔
پولیس کے مطابق حادثے میں ایک ہی خاندان کے 7 افراد جاں بحق ہوئے جو گاڑی میں سوار تھے جبکہ بس میں موجود 10 سے زائد مسافر معمولی زخمی ہوئے جنہیں طبی امداد کے لیے اسپتال منتقل کردیا گیا۔پولیس کے مطابق متاثرہ فیملی عید منانے اپنے آبائی گھر جارہی تھی۔ کوچ میں سوار مسافر معمولی زخمی ہوئے۔
پولیس حکام کا کہنا ہے کہ حادثے میں جاں بحق اور زخمی ہونے والوں کو مورو اور نواب شاھ اسپتالوں میں منتقل کر دیا گیا ہے۔
مقامی ذرائع کا بتانا ہے کہ مختیار کار کشمور اعجاز برڑو کی فیملی کو حادثہ پیش آیا، حادثے میں 4 خواتین ایک بچی سمیت کار سوار تمام 7 افراد جان بحق ہو گئے تاہم اس اطلاع کی مقامی سطح پر تصدیق نہیں ہو سکی ہے۔
