کراچی (ویب ڈیسک): کراچی چڑیا گھر میں راجو نامی بن مانس مرگیا، بن مانس کی عمر 26 سال تھی۔ڈائریکٹر کراچی چڑیا گھر اقبال نواز نے بن مانس راجو کی موت کی تصدیق کی ہے، اقبال نواز کے مطابق دو مادہ بن مانس بھی چڑیا گھر میں موجود ہیں۔خیال رہےکہ کراچی چڑیا گھر میں ڈیڑھ سال میں دو شیر، ہتھنی، ہرن کے بچے اورکئی پرندے مرچکے ہیں۔
دوسری جانب کنسلٹنٹ کراچی چڑیا گھر ڈاکٹر ایم ایچ پیرزادہ نے معائنےکی ابتدائی رپورٹ تیار کرلی ہے۔
ڈاکٹر ایم ایچ پیرزادہ کے مطابق بن مانس کی ہلاکت ہارٹ اٹیک سے ہوئی ہے، مردہ بن مانس کے پھیپھڑے اور گردے ٹھیک ہیں، دل میں خون کا دورانیہ رک جانے سے بن مانس کی موت ہوئی۔
ڈاکٹرایم ایچ پیرزادہ کا کہنا ہےکہ موت کی مزید تفصیلات پوسٹ مارٹم کے بعد سامنے آئیں گی۔
