لندن (ویب ڈیسک): برطانوی عدالت نے پاکستانی نژاد انجم چوہدری کو عمر قید کی سزا سنا دی۔برطانوی میڈیا کے مطابق 57 سالہ انجم چوہدری پر کالعدم دہشت گرد تنظیم المہاجرون کو ہدایات دینے کا جرم ثابت ہوا۔انجم چوہدری پر دہشت گرد تنظیم کو ہدایات دینے کا مقدمہ وولچ کراؤن کورٹ میں چلا، ان پر برطانوی انسداد دہشت گردی قانون کے تحت مقدمہ چلایا گیا۔
پراسیکیوٹرز نے عدالت میں بیان دیا کہ انجم چوہدری نے 2014 کے بعد خاص مدت تک دہشت گرد تنظیم کو ہدایات دیں۔
تاہم عدالت نے منگل کو دہشت گردی کا الزام ثابت ہونے پر انجم چوہدری کو 26سال قید کی سزا سنا دی۔
یاد رہے کہ انجم چوہدری کو گزشتہ برس 17 جولائی کو گرفتار کیا گیا تھا۔ انہیں 85 برس عمر سے زائد ہونے پر ہی رہا کیا جا سکے گا۔
اس سے قبل انجم چوہدری کو 2016 میں داعش کی حمایت کے جرم میں بھی سزا سنائی گئی تھی۔
