(اسپورٹس ڈیسک): آسٹریلوی بیٹر ٹم ڈیوڈ کی دھواں دھار بیٹنگ کے باعث ویسٹ انڈیز کو تیسرے ٹی ٹوئنٹی میں 6 وکٹوں سے شکست ہو گئی۔ویسٹ انڈیز نے پہلے بیٹنگ کرتے ہوئے 4 وکٹوں کے نقصان پر 214 رنز بنائے، شائے ہوپ نے 57 گیندوں پر 102 رنز بنائے، آسٹریلیا نے ہدف 16.1 اوورز میں 4 وکٹوں کے نقصان پر پورا کر لیا۔ٹم ڈیوڈ 37 گیندوں پر 102 رنز بنا کر ناقابل شکست رہے جبکہ میچل اوون 16 گیندوں پر 36 رنز بنا کر ناٹ آوٹ رہے۔
ٹم ڈیوڈ نے آسٹریلیا کی جانب سے ٹی ٹوئنٹی میں تیز ترین نصف سنچری اور تیز ترین سنچری کا ریکارڈ بنایا۔
ٹم ڈیوڈ نے 16 گیندوں پر نصف سنچری بنائی اور مارکس اسٹوئنس کا 17 گیندوں پر نصف سنچری کا ریکارڈ توڑا۔ اسی میچ میں ٹم ڈیوڈ نے 37 گیندوں پر سنچری مکمل کر کے جوش انگلس کا 43 گیندوں پر سنچری کا ریکارڈ بھی توڑا۔
کیرئیر کی پہلی ٹی ٹوئنٹی سنچری بنانے والے ٹم ڈیوڈ میچ کے بیترین کھلاڑی قرار پائے۔
آسٹریلیا نے پانچ ٹی ٹوئنٹی میچوں کی سیریز میں 3 صفر کی فیصلہ کب برتری حاصل کر لی ہے۔
