لاہور کے قریب کراچی جانے والی ٹرین کو حادثہ پیش آیا ہے جس میں ٹرین کا انجن اور 2 بوگیاں پٹری سے اترگئیں۔
ذرائع کے مطابق کراچی جانے والی ٹرین کو حادثہ جیا بگا کے قریب پیش آیا جس میں ریلوے ٹریک کو نقصان پہنچا اور ریلوے آپریشن جزوی طور پر معطل کردیا گیا۔
ریلوے حکام کا کہنا ہےکہ ایک رکشا ڈرائیور نے غیر قانونی طورپر ریلوے ٹریک عبور کرنےکی کوشش کی۔
ریلوے حکام کے مطابق امدادی ٹیمیں جائے حادثہ پر روانہ کردی گئی ہیں۔
حادثے کے حوالے سے فوری طور پر کسی جانی نقصان کی اطلاع نہیں ملی ہے۔
