اسلام آباد(روزنامہ نجات)مشیر امور کشمیر قمر زمان کائرہ نے کہاہے کہ عمران خان نفرت اور انتشار کی سیاست کر رہے ہیں ، نفرت اور انتہاپسندی کا رویہ بہت خطرناک ہے ،عمران خان کے بلاول بھٹو کے دوروںسے متعلق بیان پر افسوس ہوا،بلاول بھٹو اپنے تمام بیرون ملک دوروں کے اخراجات خود برداشت کرتے ہیں۔
اسلام آباد میں پریس کانفرنس کرتے ہوئے قمر زمان کائرہ نے کہاکہ دہشتگردی کے خاتمے کیلئے ہم نے بہت قربانیاں دی ہیں ،ہمیں اپنے شہدا پر فخر ہے ، قوم سلام پیش کرتی ہے،ان کاکہناتھا کہ ملک میں دہشتگردی کے واقعات پھر سے سر اٹھا رہے ہیں ، خیبرپختونخوا اور بلوچستان میں دہشتگردی میںاضافہ ہوا۔
مشیر امور کشمیر نے کہاکہ عمران خان کی حکومت میں پاکستان کے خارجہ تعلقات متاثر ہوئے ، عمران خان نے دوست ممالک کو ناراض کیا، فعال سفارتکاری سے ہم نے پھر سے خارجہ تعلقات مضبوط کئے ،ان کاکہناتھا کہ مودی اور اس کے ساتھیوں کا انتہا پسندانہ رویہ قابل مذمت ہے،وزیراعظم، وزیرخارجہ عالمی سطح پر ملکی سفارتکاری کی بہتری کیلئے محنت کررہے ہیں،ان کا مزید کہناتھا کہ اتحادی حکومت کی کاوشوں سے آئی ایم ایف کی گرے لسٹ سے نکلے۔
