کراچی (مانیٹرنگ ڈیسک): کراچی ٹیسٹ کا تیسرا روز کیوی بلے بازوں کے نام رہا۔کیوی اوپنرز کی 183 رنز کی تاریخی شراکت کی بدولت مہمان ٹیم نے دن کے اختتام پر 6 وکٹوں کے نقصان پر 340 رنز بناکر پاکستان کیخلاف 2 رنز کی برتری حاصل کرلی۔
ٹام لیتھم اور کین ولیم سن نے شاندار سنچریز اسکور کیں۔ پاکستان کی طرف سے ابرار احمد نے 3 ،نعمان علی نے 2 اور محمد وسیم نے ایک وکٹ حاصل کی۔
کراچی کے نیشنل بینک کرکٹ ایرینا میں جاری سیریز کے پہلے ٹیسٹ میچ کے تیسرے روز کیوی اوپنرز ڈیون کونوے اور ٹام لیتھم نے پاکستان میں اوپننگ شراکت کا 57 سالہ کیوی ریکارڈ توڑتے ہوئے 183 رنز کی پارٹنرشپ قائم کی۔
لیتھم 113، کونوے 92، ہینری نکولس 22، ڈیرل مچل 42، ٹام بلنڈل 47، مچل بریسویل 5 رنز بناکر آؤٹ ہوئے، کپتان کین ولیمسن نے نے سنچری مکمل کرلی۔ وہ 105 رنز کے ساتھ کریز پر موجود ہیں۔
پاکستان کی جانب سے ابرار احمد اور نعمان علی نے 2، 2 جبکہ محمد وسیم جونیئر نے ایک کھلاڑی کو آؤٹ کیا۔قبل ازیں پاکستان ٹیم پہلی اننگز میں 438 رنز بنا کر آؤٹ ہوگئی تھی۔
