جامشورو (نجات نیوز): سندھ یونائیٹڈ پارٹی نے سندھ کی بحالی کے عنوان سے 15 فروری کو سکھر سے کراچی تک پیدل مارچ کا اعلان کیا ہے۔ زین شاہ نے کہا کہ سندھ میں منظم طریقے سے آبادکاری کی جارہی ہے، گزشتہ 15 سال سے پیپلزپارٹی کی حکومت نے سندھ کا ہر ادارہ تباہ کردیا ہے۔
اس بات کا فیصلہ گزشتہ روز جامشورو میں پارٹی چیئرمین سید جلال محمود شاہ کی زیر صدارت پارٹی اجلاس میں کیا گیا۔ اجلاس میں سید زین شاہ، روشن علی بھرو، آغا قمر مشوانی، جگدیش آہوجا، امیر آزاد پنہور، امیر علی تھیبو، غلام مصطفی چانڈیو، خواجہ نوید، مختار میمن اور دیگر نے شرکت کی۔
اجلاس کے فیصلوں کے بارے میں میڈیا بریفنگ دیتے ہوئے سندھ یونائیٹڈ پارٹی کے صدر سید زین شاہ نے کہا کہ سندھ کی تباہی کی ذمہ دار پیپلز پارٹی ہے۔پیپلز پارٹی کی 15 سالہ بیڈ گورننس کی وجہ سے سندھ سیاسی، سماجی اور معاشی تباہی کا شکار ہو چکا ہے۔ پیپلز پارٹی نے سندھ کو مہنگائی، بے روزگاری اور بدامنی کی آگ میں جھونک دیا ہے۔
سیلاب سے کئی لوگ متاثر ہوئے ہیں، لاکھوں ایکڑ زرعی اراضی تباہ ہو گئی ہے۔ بیڈ گورننس کی وجہ سے سندھ کے ہر ادارے میں کرپشن عروج پر ہے۔ سندھ کی زمینوں اور وسائل پر قبضے کے بعد غیر ملکیوں کو منظم طریقے سے سندھ میں آباد کیا گیا۔
پیپلز پارٹی نے سندھ کی وحدت کو نقصان پہنچایا ہے، ایس یو پی نے پیپلز پارٹی کے اس سندھ دشمن اقدام کے خلاف سندھ مارچ کے نام سے 15 فروری 2023 سے 19 مارچ 2023 تک سکھر سے کراچی تک پیدل مارچ کا اعلان کیا ہے۔
The Sindh United Party (SUP) has made the decision to hold a "long march" from Sukkur to Karachi, beginning on February 15, in protest to price increases, corruption, lawlessness, and the province's economic difficulties.#SindhRehabilitationMarch@SindhRehab
— Sayed Zain Shah (@Sayed_ZainShah) February 3, 2023
19 مارچ کو کراچی میں مارچ کے اختتام پر عوامی جلسہ کیا جائے گا۔
سید زین شاہ نے کہا کہ بلدیاتی انتخابات کے پہلے اور دوسرے مرحلے میں سندھ حکومت کی سرکاری مشینری نے بدترین جوڑ توڑ کیا۔ پیپلز پارٹی کے پیرول پر آر اوز اور ڈی آر اوز کام کرتے نظر آئے۔ الیکشن کمیشن کا رویہ مکمل طور پر جانبدارانہ تھا جو انتہائی افسوسناک ہے۔سندھ یونائیٹڈ پارٹی اس دھاندلی زدہ الیکشن کو یکسر مسترد کرتی ہے اور مطالبہ کرتی ہے کہ دوبارہ صاف اور شفاف بلدیاتی انتخابات کرائے جائیں۔
انہوں نے کہا کہ سانحہ پشاور کی شدید مذمت کرتے ہیں۔ سانحہ پشاور میں جاں بحق اور زخمی ہونے والوں کے لواحقین سے دلی ہمدردی کا اظہار کرتے ہیں، ریاست اور حکومت کی نااہلی کے باعث دہشت گردی کے واقعات رونما ہو رہے ہیں۔
سنڌ جِي بحالي مارچ
سنڌ يونائيٽڊ پارٽيءَ سنڌ جِي بحالي جَي عنوان سان 15 فيبروري تي سکر کان ڪراچي تائين پيادل مارچ جو اعلان ڪري ڇڏيو. زين شاهه چيو ته سنڌ ۾ منظم طريقي سان ڌاري آبادڪاري ڪئي پئي وڃي، پيپلزپارٽي جي گذريل 15 سالن جي حڪومت سنڌ جي هر اداري کي تباهه ڪري ڇڏيو آهي pic.twitter.com/FTpo9rPvD1
— Asghar Narejo (@AsgharNarejoo) February 2, 2023
سید زین شاہ نے کہا کہ وہ سابق وفاقی وزیر اور عوامی مسلم لیگ کے سربراہ شیخ رشید اور صحافی عمران ریاض کی گرفتاری کی شدید مذمت کرتے ہیں۔ شیخ رشید کی گرفتاری اختیارات کے ناجائز استعمال اور سیاسی انتقام کی واضح مثال ہے۔ سیاسی مخالفین کی آواز کو دبانے کی کوشش کی جا رہی ہے۔ ملک پر مسلط کرپٹ حکومت فاشسٹ رویے کا مظہر ہے۔ سیاسی رہنماؤں کی گرفتاری حکومت کی حماقت کو ظاہر کرتی ہے۔ ایسے ہتھکنڈے کسی بھی جمہوری نظام میں ناقابل قبول ہیں۔ ہم شیخ رشید کی فوری رہائی کا مطالبہ کرتے ہیں۔
سید زین شاہ نے کہا کہ آج ملک غلط خارجہ اور داخلہ پالیسیوں کی وجہ سے دہشت گردی کا شکار ہے۔ مہنگائی غلط معاشی پالیسی اور کرپشن کی وجہ سے ہوتی ہے۔ اور موجودہ وفاقی اور صوبائی حکومتیں اس کی ذمہ دار ہیں۔ انہوں نے کہا کہ عوامی طاقت سے لڑ کر سندھ کے حقوق کے لیے تحریک شروع کرنے کا اعلان کیا ہے۔
