حیدرآباد (ویب ڈیسک): سندھ میں بارش کے بعد بجلی کا بڑا بریک ڈاؤن ہوا ہے جس کے بعد 20 فیڈرز ٹرپ کرنے سے مختلف شہروں میں بجلی غائب ہے۔حیدرآباد، ٹنڈوآدم، مٹیاری، ہالہ اور سانگھڑ میں بجلی بند ہونے سے شہریوں کو پریشانی کا سامنا ہے۔
حیدرآباد کے علاقے لطیف آباد اور قاسم آباد سمیت مختلف علاقے تاریکی میں ڈوب گئے ہیں، گاڑی کھاتہ،سرفراز کالونی مارکیٹ،صدر، بوہری بازار میں بھی بجلی غائب ہے۔
شہریوں کا کہنا ہے کہ حیسکو کے شکایتی مراکز پر کوئی فون نہیں اٹھا رہا، حیسکو حکام کا کہناہےکہ فنی خرابی دور ہونے پر بجلی بحال کردی جائےگی۔
خیال رہے کہ حیدرآباد،مٹیاری،ہالہ،نیو سعیدآباد اور ٹنڈومحمدخان،شہدادپور، ٹنڈو آدم اور گردونواح میں تیز ہوا کے ساتھ موسلادھار بارش ہوئی ہے، نوشہر و فیروز اور پڈعیدن میں بھی بادل جم کے برسے۔
بارش کے باعث نشیبی علاقےزیر آب آگئے جب کہ ندی نالوں میں طغیانی کا خدشہ ہے۔
