کراچی میں کل سے تیز ہوائیں چلنے اور پارہ گرنے کی پیشگوئی

کراچی (ویب ڈیسک): محکمہ موسمیات نے کل سے شہر قائد کا موسم تبدیل ہونے کی پیشگوئی کردی۔محکمہ موسمیات کا کہنا ہے کہ کل سے کراچی میں وقفے وقفے سے تیز ہوائیں چلیں گی اور رات کے وقت درجہ حرارت گرے گا۔ محکمہ موسمیات کے مطابق شہر میں رات کا درجہ حرارت 16 سے 18 ڈگری سینٹی گریڈ تک اور دن کا درجہ حرارت 29 سے 31 ڈگری سینٹی گریڈ تک رہنے کا امکان ہے۔ محکمہ موسمیات کے مطابق سندھ کے بیشتر مقامات پرموسم خشک اور رات میں خنک رہنے کا امکان ہے۔ محکمہ موسمیات کا بتانا ہے کہ آج قمبر شہداد کوٹ، جیکب آباد اور لاڑکانہ میں ہلکی بارش اور بونداباندی کاامکان ہے۔