اسلام آباد (ویب ڈیسک): مولانا فضل الرحمان کے خلاف نعرے بازی کرنے پر جمعیت علماءاسلام کے کارکنان نے اسلام آباد ایئرپورٹ پر دو شہریوں کو بدترین تشدد کا نشانہ بنا ڈالا۔تفصیلات کے مطابق فضل الرحمان کے افغانستان دورے سے واپسی پر نیو اسلام آباد ایئرپورٹ پ دو شہریوں نے جے یو آئی سربراہ کو دیکھ کر نعرے بازی کی تو کارکنوں کا پارہ ہائی ہوا اور انہوں نے دونوں کو بہیمانہ تشدد کا نشانہ بنایا۔
نیو اسلام آباد انٹرنیشنل ایئرپورٹ پر جمعیت علمائے اسلام کے کارکنوں کا مولانا فضل الرحمان کی آمد پر خلاف نعرے لگانے پر دو وزٹرز پر سرعام شدید تشدد ہنگو کے رہائشی ایک شدید زخمی کو سول ایوی ایشن کے ٹراما سنٹر منتقل کردیا گیا ۔نعرہ کہاتھا یہ مجھ سے نہ پوچھیے گا pic.twitter.com/Tvawy8PsZx
— Saleh Mughal (@SalehMughal) January 12, 2024
ذرائع کے مطابق اس دوران سول ایوی ایشن اور سیکیورٹی کا عملہ خاموش تماشائی کا کردار ادا کرتا رہا اور جے یو آئی کے کارکنان کے ہاتھوں شہریوں کی درگت بنتے دیکھتا رہا۔
تشدد کے باعث ایک شہری شدید زخمی ہوا جسے سول ایوی ایشن اتھارٹی کے ٹراما اسپتال منتقل کردیا گیا ہے۔
مولانا فضل الرحمان کو افغانستان سے واپسی پر جے یو آئی کے کارکنان اسلام آباد ایئرپورٹ کے بیرون ملک آمد والے لاؤنج میں موجود تھے اور انہوں نے جے یو آئی سربراہ کو دیکھتے ہی نعرے بازی کی۔
ذرائع کے مطابق زخمی ہونے والے نوجوان کی شناخت احمد نور کے نام سے ہوئی جو ہنگو کا مستقل جبکہ اسلام آباد میں برما ٹاؤن کا عارضی رہائشی ہے اور اپنے بھائی کو ایئرپورٹ چھوڑنے کیلیے آیا تھا۔
