کراچی (اسپورٹس ڈیسک): پاکستان سپر لیگ سیزن 9 کے ایلیمنیٹر 2 میں اسلام آباد یونائیٹڈ کی ہدف کے تعاقب میں پشاور زلمی نےنیشنل اسٹیڈیم کراچی میں کھیلے گئے میچ میں اسلام آباد یونائیٹڈ کے کپتان شاداب خان نے ٹاس جیت کر فیلڈنگ کا فیصلہ کیا تھا۔ پشاور زلمی نے پہلے بیٹنگ کرتے ہوئے 5 وکٹوں کے نقصان پر 185 رنز بنائے۔ایونٹ کا فائنل پیر کو نیشنل اسٹیڈیم کراچی میں کھیلا جائے گا جس میں آج کی فاتح ٹیم ملتان سلطانز سے مقابلہ کرے گی۔
پشاور زلمی کی اننگز کا آغاز صائم ایوب اور بابر اعظم نے کیا۔ پشاور زلمی کو پہلا نقصان آٹھویں اوور میں 72 رنز کے مجموعی اسکور پر بابر اعظم کی صورت میں اٹھانا پڑا جو 25 رنز بناکر آؤٹ ہوئے۔
صائم ایوب 73 رنز کے ساتھ نمایاں رہے جبکہ محمد حارث نے 40 رنز کی اننگز کھیلی۔ ٹام کوہلر 18 اور روومان روپیل 2 رنز بناسکے۔ عامر جمال 17، حسین طلعت 8 رنز بناکر ناٹ آؤٹ رہے۔
اسلام آباد یونائیٹڈ کی طرف سے نسیم شاہ نے 3، شاداب خان اور عبید میکوئے نے ایک ایک وکٹ حاصل کی۔
ایونٹ کا فائنل پیر کو نیشنل اسٹیڈیم کراچی میں کھیلا جائے گا جس میں آج کی فاتح ٹیم ملتان سلطانز سے مقابلہ کرے گی۔
واضح رہے کہ لیگ مرحلے میں دونوں ٹیموں کے مابین ہونیوالے دو میچز میں ایک میں پشاور زلمی اور دوسرے میں اسلام آباد یونائیٹڈ نے فتح حاصل کی تھی۔
پشاور زلمی: بابر اعظم (کپتان)، صائم ایوب، محمد حارث (وکٹ کیپر)، ٹام کوہلر کیڈمور، حسین طلعت، روومین پاول، عامر جمال، لیوک ووڈ، مہران ممتاز، عارف یعقوب، خرم شہزاد
اسلام آباد یونائیٹڈ: شاداب خان (کپتان)، ایلکس ہیلز، مارٹن گپٹل، سلمان علی آغا، اعظم خان (وکٹ کیپر)، حیدر علی، عماد وسیم، فہیم اشرف، نسیم شاہ، حنین شاہ، عبید میکوئے
