کراچی (ویب ڈیسک): پاکستانی صحافیوں کا وفد بھارت کی ریاست گووا میں ہونے والی شنگھائی تعاون تنظیم کے وزرائے خارجہ اجلاس کی کوریج کے لیے بھارت پہنچ گیا ، وزیرخارجہ بلاول بھٹو شنگھائی تعاون تنظیم کے اجلاس میں شرکت کے لیے کل بھارت جائیں گے ۔شنگھائی تعاون تنظیم کے وزرائے خارجہ کا دو روزہ اجلاس کل سے گوا میں ہو رہا ہے، اجلاس میں پاکستان، چین اور روس کے وزرائے خارجہ بھی شرکت کریں گے۔
2011 کے بعد کسی پاکستانی وزیر خارجہ کا یہ پہلا دورہ بھارت ہے، پاکستانی وزیر خارجہ کے دورے کے موقع پر دو طرفہ مذاکرات کا کسی فریق کی جانب سے کوئی اشارہ نہیں ملا۔
میڈیا رپورٹس کے مطابق اجلاس میں شنگھائی تعاون تنظیم سے متعلقہ دستاویزات اور فیصلوں کے مسودوں پرتبادلہ خیال کیا جائے گا،اجلاس میں بین الاقوامی اور علاقائی ایجنڈے کے اہم مسائل پر بھی بات ہوگی۔
