(ہیلتھ ڈیسک): عالمی ادارۂ صحت (ڈبلیو ایچ او) نے کھانسی کے شربت سےبچوں کی ہلاکتوں پر بھارت سے وضاحت طلب کرلی۔خبر رساں ایجنسی کے مطابق عالمی ادارۂ صحت نے بھارت سےپوچھا ہےکہ جس کف سیرپ سے اموات ہوئیں کیا وہ برآمد بھی کیا گیا ہے؟ڈبلیو ایچ او کا کہنا ہے کہ بھارتی تصدیق کے بعد کف سیرپ پر عالمی میڈیکل الرٹ جاری کرنے پر غور ہوگا۔خبر رساں ایجنسی کے مطابق بھارت میں ایک ماہ میں 5 سال سے کم عمر 17 بچے اس سیرپ سے ہلاک ہو چکے ہیں۔
سیرپ میں ڈائیتھیلین گلائکول نامی زہریلا کیمیکل منظور شدہ حد سے 500 گنا زیادہ تھا۔
خبر رساں ایجنسی کے مطابق بھارتی ریاست تلنگانہ نے 2 کف سیرپ کے استعمال پر پابندی کا نوٹس جاری کر دیا۔
ڈائیتھیلین گلائکول کی موجودگی پر تلنگانہ میں کف سیرپ پر پابندی لگائی گئی۔
