کیچ – بلوچستان (ویب ڈیسک): بلوچستان کے ضلع کیچ کے علاقے بالگتر میں سڑک کنارے بارودی سرنگ پھٹنے سے گاڑی میں سوار 7 افراد جاں بحق ہوگئے۔لیویز حکام کے مطابق مقامی یونین کونسل کے چیئرمین اسحاق بلوچ اپنے 6 رشتے داروں کے ہمراہ شادی کی تقریب سے واپس آرہے تھے کہ بالگتر کے مقام سڑک کنارے نصب باروری سرنگ پھٹنے سے ان کی گاڑی مکمل طور پر تباہ ہوگئی۔
دھماکے میں اسحاق بلوچ سمیت 7 افراد جاں بحق ہوگئے۔
حکام نے بتایاکہ دھماکے میں جاں بحق 6 افراد کا تعلق نلی بازار اور ایک کا پنجگور سے ہے۔
واقعے کی اطلاع ملنے پر لیویز حکام موقع پر پہنچ گئے اور میتوں کو اسپتال منتقل کیا۔
