برازیل (ویب ڈیسک): عام طور پر پیرا شوٹ کے ذریعے انسان خود کو بچاتے ہیں مگر برازیل میں ایک طیارے کو اس کی مدد سے کریش ہونے سے بچایا گیا۔برازیل کے شہر بیلو ہوریزونٹے کے قریب ایک چھوٹے طیارے کے انجن خراب ہو گئے تھے۔
انجن خراب ہونے پر یہ طیارہ جنگل سے چھپی پہاڑیوں سے ٹکرانے والا تھا مگر ایک ڈیوائس Cirrus Airframe Parachute System نے اس پر سوار عملے اور مسافروں کو بچا لیا۔اس طیارے کی ویڈیو بھی سامنے آئی ہے جس میں اسے پیرا شوٹ کے ذریعے زمین پر کریش لینڈنگ کرتے ہوئے دکھایا گیا ہے۔
Avião tem problemas no motor após a decolagem em Belo Horizonte e piloto aciona paraquedas, salvando todos a bordo pic.twitter.com/oXYdlha6PT
— AEROIN (@aero_in) March 11, 2023
طیارے پر 4 بالغ افراد اور 2 بچے سوار تھے اور کسی کو کوئی نقصان نہیں پہنچا۔یہ سب Cirrus ایس آر 22 نامی سنگل انجن طیارے پر سفر کر رہے تھے۔
یہ پہلا موقع نہیں جب Cirrus طیارے کو پیرا شوٹ سسٹم سے بچایا گیا جو کہ بنیادی طور پر عملے کے تحفظ کے لیے ڈیزائن کیا گیا ہے اور یہ طیارے کو زمین سے ٹکرانے سے ہونے والے نقصان سے تحفظ فراہم نہیں کرتا۔
