کوئٹہ (ویب ڈیسک): کوئٹہ میں زرغون روڈ کےقریب دھماکا ہوا ہے۔پولیس کے مطابق زرغون روڈ کے قریب دھماکے کی جگہ اور نوعیت کا تعین کیا جارہا ہے، پولیس اور ریسکیو کی ٹیمیں دھماکے کی جگہ روانہ کردی گئی ہیں۔پولیس کا کہنا ہےکہ دھماکے کے بعد فائرنگ کی آوازیں بھی سنی گئی ہیں۔
ترجمان محکمہ صحت کے مطابق کوئٹہ میں دھماکے کے پیش نظر سول اسپتال، بی ایم سی اسپتال اور ٹراما سینٹر میں ایمرجنسی نافذکردی کردی گئی ہے ۔
ترجمان نے بتایا کہ تمام کنسلٹنٹس، ڈاکٹرز، فارماسسٹس، اسٹاف نرسز اور پیرا میڈیکل اسٹاف اسپتالوں میں طلب کرلیا گیا ہے۔
