واشنگٹن (ویب ڈیسک):امریکی صدرڈونلڈ ٹرمپ کے خلاف مختلف مقدمات کی نگرانی کرنے والے امریکی اسپیشل کونسل جیک اسمتھ خود سرکاری تحقیقات کی زد میں آ گئے ہیں۔امریکی حکام کے مطابق جیک اسمتھ کے خلاف ان الزامات کے تحت تحقیقات کی جا رہی ہیں کہ انہوں نے ممکنہ طور پر سرکاری حیثیت میں سیاسی سرگرمیوں میں حصہ لیا۔
یہ کارروائی “Hatch Act” کے تحت کی جا رہی ہے جوامریکی قوانین کے مطابق سرکاری اہلکاروں کو سیاسی سرگرمیوں میں مداخلت سے روکتا ہے۔
یہ پیش رفت ایسے وقت میں سامنے آئی ہے جب ٹرمپ بارہا اسمتھ کی جانب سے کی جانے والی تفتیش کو “سیاسی انتقام” اور “جمہوری عمل میں مداخلت” قرار دے چکے ہیں۔
یاد رہے کہ جیک اسمتھ کو نومبر 2022 میں اس وقت کے اٹارنی جنرل میرک گارلینڈ نے اسپیشل کونسل مقررکیا تھا تاکہ وہ ٹرمپ کے خلاف وفاقی الزامات کی تحقیقات کی نگرانی کرسکیں۔
